Museoa

2021ean inauguratu zen Terrorismoaren Biktimen Oroimenerako Zentroaren museoak honako funtzio hauek ditu: terrorismoaren biktimek gorpuzten dituzten balio demokratiko eta etikoak zabaltzea, biktimen oroimen kolektiboa eraikitzea eta herritarrak askatasunaren eta giza eskubideen defentsarako eta terrorismoaren aurka kontzientziatzea. Ibilbidea sei aretotan egituratzen da: 1) Hemen, atzo, sarrera gisa. 2) Memorial Eremua, eraikinaren erdigunea. 3) Terrorismoaren historia. 4) Gorrotoaren diskurtsoak eta praktikak, erasotzaileei buruzko zatia. 5) Terroreari erantzuna (poliziala, soziala, nazioartekoa, politikoa eta judiziala). 6) Biktimen ahotsa. Memorialak erabiltzaileen eskura jartzen ditu, besteak beste, dokumentazio zentro bat, ekitaldi areto bat, gela didaktiko bat, eta erakusketa iraunkorrak eta aldi baterakoak dituen museo bat.

Eraikina

2015eko martxoan hasi ziren Vitoria-Gasteizko Espainiako Bankuaren sukurtsal zaharraren eraberritze lanak, eta 2021an, lehen inaugurazioa egin eta mende bat geroago, berriro ireki zituen ateak Terrorismoaren Biktimen Oroimenerako Zentro bezala. Eraikuntza, José Yarnoz Larrosa (1884-1966) nafar arkitektoak diseinatua, neoerrenazentista estilokoa da, eta 33 x 20 metroko solairu errektangular bat dauka.